№77 бала-бақшаның бүлдіршіндері тәрбиеші, ата-аналары мектепте қонақта

  21.04.2023 күні, “Мектеп пен бала-бақша” жобасы аясында №77 бала-бақшаның бүлдіршіндері тәрбиеші, ата-аналары мектепте қонақта болды. Қонақтарды мектеп директоры Нұрғали Асанұлы мен мектеп әкімшілігі, ұстаздар жылы қарсы алды. Кішкентай бүлдіршіндерге мектепке саяхат жасатып, қызықты жерлерін аралатып, партаға отырғызып, алғашқы ұстаздарымен таныстырдық. Балалардың сентябрьте мектеп табалдырығын аттамас бұрын, білім ордасы-мектеп туралы түсініктерінің бала ойында қалыптасуы маңызды деп ойлаймыз. Әрі қандай мектепке барамыз, қандай құжаттар дайындаймыз, 1-сыныпқа қабылдау қашан басталады деген сауалдарына да ата-аналар жауап алып қайтқандай. Сондықтан жыл сайын бала-бақша мен мектеп арасындағы байланыс дәстүрлі түрде өз жалғасын таппақ.