“Бала қауіпсіздігі -қоғам болашағы” тақырыбында ата-аналар жиналысы

   26.09.2024 күні, сағат 18:00- де мектебімізде жалпы ата-аналарға “Бала қауіпсіздігі -қоғам болашағы” тақырыбында ата-аналар жиналысы өтті. Жиналыста мектеп әкімшілігі, мектеп психологтары және Бостандық ауданы полиция басқармасының Ювеналдық полиция тобының Кәмелетке толмағандардың істері жөніндегі учаскелік полиция инспекторы
Полиция аға лейтенанты Жотабай Бауыржан Тілеужанұлы ата-аналармен түсіндіру жұмыстарын жүргізді.
Жиналыста «Біртұтас тәрбие» бағдарламасының сапалы жүзеге асырылуы, әлеуметтік жобалар мен іс-тәжірибелер туралы айтылды. Қауіпсіздік сабақтарын өткізуге, сондай-ақ «Біртұтас тәрбие» бағдарламасы аясында ұсынылған «Өнегелі 15 минут» бастамасының маңыздылығы айтылды.
«Бала қауіпсіздігі ата-ана, педагог, әрбір ересек адам үшін басымдыққа ие болуы тиіс. Баламен ашық диалог құру, оның өміріне ұдайы қатысып отыру, цифрлық құрылғыларды бақылау және баламен қауіпсіздік тақырыбында әңгімелесу – бұл проблемалардың алдын алуға көмектесетін негізгі қадамдар. Ата-аналардың міндеті тек баланың жүріс-тұрысын бақылап қана қоймай, сонымен қатар өз баласымен оны әрқашан тыңдауға және көмектесуге дайын екенін білдіретін сенімді қарым-қатынас қалыптастыру. Бала біздің болашағымыз, олардың саламаттылығын сақтау тікелей бізге байланысты», - деп атап өтті мектеп директоры Н.К Садыкова
https://www.instagram.com/reel/DAZ5fOFiDwF/?utm_source=ig_web_copy_link&igsh=MzRlODBiNWFlZA==