“International Haileybury FIRST Championship” халықаралық чемпионатының жеңімпаздары

   “International Haileybury FIRST Championship” халықаралық чемпионатына Қазақстан, Біріккен Араб Әмірліктері, Қырғызстан және Өзбекстаннан барлығы 250-ден аса оқушыны қамтитын 36 мектеп командалары қатарында мектебіміздің @infinity_fgc робототехника командасы қатысып, ІІ орын иеленді.

  Әр номинация бойынша чемпионат жеңімпаздары мен үздік номинация иегерлері Білім басқармасының дипломдарымен және бағалы сыйлықтармен марапатталды. Сондай-ақ, үздік нәтиже көрсеткен оқушыларға Қазақстан-Британ техникалық университеті мен «Тұран» университетінің білім гранттары табыс етілді.
Соның ішінде мектебіміздің 10-сынып оқушылары Медғат Мирас пен Умытханов Альрахат “Тұран” университетінің грант иегерлері атанды.
Жеңімпаз командамыз бен грант иегерлері атанған шәкіртерімізді жеңістерімен құттықтаймыз! Жарайсыздар!👍👏

  «Робототехника бойынша халықаралық International Haileybury FIRST Championship чемпионатын Алматы қаласының Білім басқармасы «USTEM Robotics» қорымен және Haileybury Almaty халықаралық мектебімен бірлесе отырып, Алматыда 28-29 маусымда өткізілді. Чемпионаттың негізгі мақсаты – ғылым, технология, инженерия және математика (STEM) саласындағы дағдыларды дамыту, ғылым, технология және техника саласында шетелдік ұжымдармен тәжірибе алмасу, түрлі шет елдердің жастары арасындағы қарым-қатынас пен достықты нығайту»
 https://www.instagram.com/reel/Cuq2h2kg_FI/?utm_source=ig_web_copy_link&igshid=MzRlODBiNWFlZA==