«Жүз жасаған тұлға» онлайн-конференция

   Биыл 28 ақпанда қазақтың жыр алыбы Жамбыл Жабаевтың (1846–1945) туғанына 175 жыл толады. Осыған орай № 81 мектеп-гимназия кітапханасында кітапхана меңгерушісі Алимбекова Гулнар апай халық поэзиясының алыбы, жырау, жыршы Жамбыл Жабаевқа арналған «Жүз жасаған тұлға» атты 5-6 сынып оқушыларымен онлайн конференция ұйымдастырды. Аталған іс-шаралардың басты мақсаты — Жамбыл Жабаевтың өмірі мен шығармашылығына шолу жасау. Ақынның таңдамалы туындылары халыққа кең таралуының мәні және оның өміршеңдігінің сыры неде екенін таныту, өлеңдерін мәнерлеп оқып оқырман назарына ұсыну болды.