«Ақжүніс» клубының кезекті отырысы. Жазғы демалыс кезіндегі өмір қауіпсіздігі

  2023-2024 оқу жылының аяқталуына байланысты директордың тәрбие ісі жөніндегі орынбасары Жоламанова Жансая Садуакасовна және мектеп инспекторы Бостандық ауданы ПБ ЖПҚБ ЮПБ УПИ полиция капитаны Хасенова Орынкүл Жолдасқызы оқушылардың жазғы демалыс кезіндегі өмір қауіпсіздігін сақтау шаралары бойынша 8-11 сынып оқушыларының қыз балаларына «Бүгінгі қоғамдағы қыз баланың орны» тақырыбында «Ақжүніс» клубының кезекті отырысын өткізді. Күн тәртібінде талқыланған мәселелер бойынша: «Қыз баланың әдебі», «Электронды сигаретаның денсаулыққа зияны», «Қыз бала тәрбиесінің ерекшелігі» тақырыптарында әр сыныптың белсенді оқушылары 2023-2024 оқу жылындағы іс-шаралардың сыныпта өтілген шаралар туралы атап өтті. Директордың тәрбие ісі жөніндегі орынбасары Ж.Жоламанова өткізілген шаралардың қыз бала тәрбиесіндегі атқаратын рөлі мен бағыт бойынша жүргізілген жұмыс тақырыптарының маңыздылығын талқылады.